Of Gratitude and -------

Ilang araw din akong nagkaroon ng irregular na pagbubukas ng kompyuter. Kaya naman kung inyong mapapansin, ang blog na ito ay medyo inaamag na. Gayunpaman, narito akong muli upang magsimulang maglinis sa pamamagitan ng pag-uupdate sa blog na ito nang sa gayon ay mayroon kayong matatawag na "update".

Ilang araw na rin ang nakalipas mula noong ako'y nag-update. Natapos na ang kaganapang sinasabi ng mga nasa ikatlong taon na "an interlude to remember" - walang iba kung hindi ang JS(T) Promenade. Well, masasabi ko naman na kahit papaano'y naisagawa naman ng maayos ang okasyong ito. 'Yun nga lamang, ikaw ay talagang pagpapawisan kung saka-sakaling atakahin ka ng pagwawala sa gitna ng dance floor.

Masasabi ko na kahit papaano ay naging matagumpay ang Promenade; wala akong karapatang magreklamo dahil hindi pa naman ako fully-paid sa mga bayarin ukol doon.

Dumako naman tayo sa mga pangyayaring dapat abangan ng isang MaSciang iilang araw na lamang ang nalalabing paghihirap sa kanilang pinakamamahal na eskwela...

Sa pagsapit ng ika-26 ng Pebrero, magsisimula na ang sunud-sunod na examinations at compliance of projects. Sabi nga ni Ginang Azu, "set aside your laziness" Well, dahil sa sinabotage niya ang aking grado sa English at Humanities, asa siya! Honestly, ito ang mga oras na kung saan talagang inaatake ako ng katamaran at kabaliwan. Well, dahil nga sa sabug-sabog na ang pamumuhay ko sa MaSci, ano pa ba ang aking tendency? Wala nang iba kung hindi ang ipagpatuloy ang kasabugang aking sinimulan!

Anyway, gusto ko nga pala ulit pasalamatan si Kuya Gerome sa kanyang walang sawang pagbisita sa mga blogs na trip niyang bisitahin. Kung iyong mapapansin, puro siya lang ata ang nag-cocomment sa entries ko. Bwahahahahahahaha...

Salamat rin pala sa taong ito na nagsabing i-update ko na raw ang blog ko. Hahahaha... maraming insights ang naeextract sa mga taong tulad mo. Kung ano man iyon, sasabihin ko na lang after 30 years, perhaps? Haha

Salamat rin pala sa lahat ng mga taong patuloy na nagpapasaya sa aking buhay. Kilala niyo na kung sinu-sino kayo. Kausapin niyo lang ako, masaya na ako. Wow naman... emo ang bangag.

Sige! Sa March na siguro ang update ng karaniwan sa mga MaScians. Buh-bye!

Right now, masasabi kong medyo hooked up ang aking interest kay Edgar Allan Poe's conecpt of revenge. Ewan ko ba kung bakit; alam kong medyo may bahid ng kasamaan ang takbo ng utak ko ngayon. Ewan ko. Anyway, may God forgive me.

Siyempre, hindi sisiklab ang desire for revenge kung walang subject of immolation of anger (hala Juca) Anyway, cut this stupid crap na nga. The person seems to be oblivious to whatever scheme I am initiating. Wala na nga siyang alam, insensitive pa siya! Ano nalang siya? Crap... (Halata ang white ink. Sayang!)

Tadyak ng Kabayo

Ilang sandali na lamang, kaming mga nasa ikaapat na taon ay isa-isang makatatanggap ng tadyak palabas ng aming pinakamamahal na paaralan. Ngunit siyempre, hindi kami makalalabas basta basta. Ang pinakaaasam na tadyak ay makakamit lamang matapos ang isang delubyong punung-puno ng mga mapanlinlang na pagpapahirap ng aming mga guro.

Ngunit siyempre, kailangan munang lumipas ng JS Promenade na magaganap sa ika-16 ng Pebrero. Siya nga pala, balik na ulit sa dating gawi ang MaSci. Kaming mga nasa ikaapat na taon ay makararanas ng isang promenade na magaganap sa pinakaexclusibong lugar sa balat ng lupa. Malaking halaga ng pera ang nawaldas upang maganap sa lugar na ito ang isang napakagarbong kaganapan. Kaya naman inihahandog ko sa inyo ang lugar na iyon; walang iba kundi ang Manila Science High School Quadrangle! Oh 'diba, sosyal? May five-star hotel na malapit lamang - ang Maceda Hotel. Ang buong populasyon ng MaSci ay siguradong maaaccomodate!

Pero siyempre, as usual, hindi ako masyadong excited. Huwag sanang maopend ang mga nasa ikatlong taon. Ako naman ay dati pang hindi nagkakaroon ng kaukulang paghahanda sa mga magagarbong ebent na nangyayari sa aking buhay tulad na lamang ng JS(T) Promenade. (Junior-Senior-Teacher's Promenade)

Ayun lamang ho. Wala lang ho. Walang unity ang aking entry. Haha!

Paalam!